街頭健身與健美健身的比較?
相信大家都有聽過人問呢兩者之間有咩分別?
小編更加聽過有人問邊樣勁d... 其實咩叫勁d...?
係我心目中呢個問題就等於踢波打前鋒同打後衛去做比較. 性質唔同,何須刻意比較?
介紹下街頭健身先:
街頭健身(Street workout or Calisthenics)起源於俄羅斯,烏克蘭個邊. 多數係用公園d設施去玩.呢種運動係結合左自身體重訓練,徒手訓練再加埋極限體操既一項運動.
帶出無論你去到邊, 咩時間都可以玩. 唔洗局限係Gym房先玩到.
其實而家玩街健都可以負埋重咁玩, 唔係剩係得自身體重咁操既.
好多人都認為玩既人肌肉係細d精瘦d,鋼條型個種. 其實...都可以操到好大隻. Bar Bothers既創辨人Lazar Novovic就係表表者.
但呢種運動更講究你核心肌羣(Core)既耐力,手臂既爆發力同技巧. 唔係單單話你大隻,玩啞鈴玩到有幾重就一定做到街健既動作. 例如基本上槓(Muscle up)既動作, 需要你手臂既爆發力之餘, 更需要係你拉既技巧.
而核心肌羣力量係呢到應用得亦相對上較多.例如龍旗(Dragon flag), L-sit等等. 甚至倒立(Handstand)都需要用到.
所以話單睇表面,就已經知呢兩樣運動既訓練方式已經好唔同.
綜合利講,小編覺得每項運動都有佢優劣之處, 無需刻意去爭論... 最重要既係你知自己想得到乜野,目標係咩,從而去選擇自己喜歡既鍛練方法. 咁樣有興趣投入去玩會比較持久,唔會3分鐘熱度.
如果大家對街健有咩意見歡迎留言討論下.
另外分享下兩者之間既比賽, 贏輸唔係重點, 你會發現兩者某d位佢地做得比較輕易, 而某d位又辛苦d.
https://youtu.be/6bGOS2Q3qG0
PS: 小弟兩樣都有玩...以上純屬個人意見
有錯請指教
By Michelle
Search